നുറുങ്ങുകൾ..

പണ്ടു് ബാംഗ്ലൂർ എം. ജി. റോഡിലാണു് അമുലിന്റെ ഇത്തരം പരസ്യബോർഡുകൾ ഞാൻ ആദ്യമായി കാണുന്നതു്. പരസ്യബോർഡുകളുടെ ആത്യന്തികമായ ലക്ഷ്യം ‘ശ്രദ്ധനേടൽ’ ആണല്ലോ - ഏറ്റവും പുതിയ വിഷയങ്ങൾ, വിവാദവിഷയങ്ങൾ പ്രത്യേകിച്ചു്, കേന്ദ്രീകരിച്ചു് പരസ്യങ്ങൾ ഇടുക എന്ന ഈ പരസ്യതന്ത്രത്തിനു് എന്താണു് പേരു പറയുക എന്നറിയില്ല. പക്ഷെ ഒരു കാര്യം ശരിയാണു് - ആളുകളുടെ കണ്ണു് ഒരു തവണയെങ്കിലും ഇത്തരം പരസ്യങ്ങളിലൂടെയും പരസ്യബോർഡുകളിലൂടെയും പോകാതെ വരില്ല..